ملابس الفتيات

السلام عليكم و رحمة الله و بركاته
-------------------
أولا .. بعتذر عن عدم الكتابه لفتره طويله ..

ثانيا :
فلنبدأ الموضوع الأساسي ...
في الاستفتاء الذي قمت بوضعه و الذي يناقش سبب التحرش الجنسي ..
كانت الغالبيه (أكثر من نصف الأصوات) تؤيد أن السبب الرئيسي للتحرش الجنسي .. هو ما ترتديه الفتيات من ملابس تستفزالرجال
إذًا فلنتناول أكثر الأسباب شعبيه
...

و لنتساءل .. ما السبب في انحطاط المستوي الأخلاقي لبعض الفتيات
و إن لم يكن الخلق هو ما يحكم .. فأين الرقابه علي شكل الفتيات الآن في الشارع ؟
و بما أن الحجاب .. أقصد غطاء الرأس هو السمه السائده للفتيات الآن
بما فيهن متدينات و غير ذلك
و بما فيهن من ترتدي الحجاب ( لا يصف لا يشف و لا يكشف و لا يلفت الأنظار إليه )
و فيهن من لم ترتدي ذاك الغطاء الرأسي الذي يسمونه حجابًا من باب الخطأ ..
إلا لتغطي شعرها الذي لم يسعفها وقتها لتقوم بكيه .. أو لأنه الشائع لدي العائله عندما تبلغ من العمر ال(--) عامًا يجب أن ترتدي هذا الغطاء
فأنا لا أدافع عن اللواتي يتخذن من غطاء الرأس(فقـــــــــط) حجابا
و لكن هناك منهن من لم ينبهها أحدًا .. و منهن من لم ترتدِ حجابها (علي حد قولها ) باقتناعها و إنما كان باقتناع أهلها..
و الآن تعددت الأسباب و الحجاب واحد
و لا أقصد هنا من ارتدت الحجاب لاقتناعها .. و لكن إلي كل واحده ارتدت الحجاب .. و لم تكن مقتنعه به .. إقرأي عن ثوابه و عن عقاب دونه .. و اقرأي عن كيفية الالتزام به .. فقد يكون طريقك للجنه إلتزامك ..
و إضافة إلي ذلك يحميكِ من عيون الرجال و يحمي عيون الرجال عنك .. فلا تعطي لأحد الفرصه كي يلقِ اللوم عليكِ و يقول .. لقد كانت ترتدي كذا و كذا ..
:
:
و إليكِ بعض النصائح أختي .. و للجميع من يري أن هناك من يحتاج تلك النصائح أنصحه أن ينشرها:
[النصايح هكتبها بالعاميه عشان تتفهم أسهل و عشان يبقي سهل تداولها]

أولا : و انتي بتلبسي أقفي قدام المرايه كده
.. و شوفي هل انتي لابسه حاجه تلفت نظر حد أو انتي لابساها عشان تلفت نظر حد ؟

ثانيا : هل لابسه حاجه ضيقه ؟؟
طيب حاجه قصيره ؟؟

ثالثا : اللي انتي لابساه نفسه ..
يعني .. لو لابسه بنطلون يا ريت تلبسي عليه حاجه طويله ..
لو لابسه جيبه ممكن متلبسيش طويل اوي
و سواء ده أو ده يا ريت بلاش باديهات ...
الا لو لابسه فيست مثلا او حاجه لازم يتلبس تحتها بادي
لكن ميبقاش البادي هو اللبس الاساسي

رابعا : الالواااااااااااان
ممكن بعد ما كله بقي تمام يبقي اللي بيشد الانتباه الالوان ..
يعني متلبسيش إسود مع أحمر مثلا .. حاولي تلبسي ألوان هاديه .. و تليق بسنك و متكونش مستقزه
و تكون لايقه بقي علي بعضها .. و انتي أكيد عارفه الباقي بقي

خامسـا : الترتر
يا بنات الترتر الكتير ده بيبقي مش لايق بالبنات .. و بيبقي أوفر
انا مبقولش بلاش منه خالص لكن .. يا ريت يبقي مش كتير ..
و لما بقول مبقولش بلاش منه لان بقي ف كتير من اللبس .. و الايشاربات و كده

سااااااااادسا :
الطرحة بقي (لو انتي محجبه)
يا ريت بلاش اللفات الغريبه اللي بتشد و تلفت الانتباه
و يا ريت اللفه متكونش قصيره اللي هي بتبقي يدوووووووووووووووبك تغطي الرقبه
و لا اللي هي بتبقي كاشفه الرقبه .. اللي هي السبانيش

سااااابعا :
الموضه ..
آه من الموضه .. انا مش هقول متتابعيش الموضه من باب الفضول علي الاقل تابعيها لو انتي عاوزه ده
بس مش لازم تتبعيها ..
يعني مش اي حاجه تجري وراها و تقلديها من غير ما تفكري هي صح ولا لا
هل تتفق مع الدين و العادات و التقاليد
هل تليق بشخصيتك و استقلاليتك
هل بيتفق مع الكلام اللي انا قولته فوق ده

---------------------
خلاص النصايح خلصت لكن الكلام مخلصش

مدونه جديده ... لبنت في الرابعة عشر من عمرها علي ما اعتقد
اسمها المجني عليها
لمن لم يزرها
هاهو اللينك
www.ta7ar0sh.blogspot.com
:
:
:
تعليقي علي هذه المدونه
القصتين اللاتي تم نشرها علي تلك المدونه و اللواتي يشكلن جزءا من تاريخ تلك الفتاه
مع تجارب التحرش الجنسي
كانت طفله في السابعة او الثامنة من عمرها كما أظن
....
فهل في جسدها شيء يدعو للتحرش بها ؟؟
أم هناك شيئا في اسلوبها في ارتداء ملابسها يستفز الغير لتلك الحماقات
:
:
ملحوظه :

أود أن أعرب عن أسفي الشديد لانقطاعي عن هذه المدونه و لكن كانت ظروف الدراسه ثم الامتحانات علي وعد بعدم الانقطاع بإذن الله

و للتواصل معنا عبر
Facebook

http://www.facebook.com/groups.php?ref=sb#/group.php?gid=9748476357

و أخيرا و ليس آخرا

أود من الجميع النظر الي مدونة "المجني عليها" .. و التفكر ..
هل الآن أصبحت ملابس الفتيات هي التي تستفز الرجال للتحرش بهن ؟؟
مع العلم انها كانت طفله لا تمتلك أي ملمح من ملامح الأنوثة
و مع العلم أنه يتم التحرش بمنقبات و صاحبات إسدال و غيرهن
فلنقف وقفه مع النفسو لا نحاول ان ندفن رؤوسنا في الرمال ..
أو أن نعلق ذنوب المجتمع علي فئة ليس لها أية ذنوب و لا أي علاقه بالذنب ذاته

و لكم مني أطيب تحيه و سلام

أسف لابد منه ... و لكن عوده أخري بقصه مهمه لكل شاب..

طبعا التاريخ اللي مكتوب بيه البوست ده
بعيييييييييييييييد عن التاريخ الاخير
أود أن أعتذر عن هذا التأخير
و لكنها ظروف الدراسه خصوصا ان مجال دراستي لا يتعلق بمجال الكتابه
لذلك فتأخرت ...
و لكن صادفتني تعليقات تستحق ان تكون اكثر من مجرد تعليقات
و لكن أغلبها كان طويلا جدا
و إذا بأحد مدوني
Wordpress
أرسل لي تعليقا
قصيرا أوجز فأنجز
لذلك كان يستحق ان يصبح موضوعا علي المدونه
لحين الانتهاء من الامتحانات
و ها هو التعليق:
أنا أحب أساهم بقصة مثل مشهور ولكن قلما يعرف أحد أصله

المثل يقول :
دقة بدقة ولو زدت لزاد السقا

القصة تحكي عن شاب كان مسافرا فقال له أبوه قبل سفره : احفظ اختك
فتعجب الشاب كيف يحفظ أخته على السفر ؟ رغم كونها ستظل في كنف أبيها ولا قدره للشاب على الحفاظ عليها

فلما سافر وعاد من السافر قابله أبوه غاضبا وقال له : ألم أقل لك احفظ أختك ؟

فقال له كيف يا أبي ؟
قال هل مسست يد فتاة في سفر ؟
فقال نعم يا أبي مرة واحدة فقط
فقال كانت أختك تأخذ الماء من السقاء فأمسك بيدها

فهكذا دقة بدقة ولو زدت لزاد السقاء (أي لو فعلت أكثر لزاد السقاء أكثر وأكثر

تعقيبا على كلام أستاذ مؤنس فرحان - حفظه الله - إن القضية فعلا سلف ودين

كنت منذ أعوام لا أركب أوتوبيسا أو المترو إلا وأرى رجلا عجوزا أو إمرأة أو حتى شابة محتشمة إلا وأقوم وأقعدها مكاني وكانت نيتي في هذا أني غدا سأكبر في السن فأقف في نفس الموقف فلا أجد شابا يقف لي وكنت أقول غدا أمي أو إبنتي أو زوجتي تصعد حافلة وتظل واقفة ينظر إليها الناس ولا تجد من يقف لها فأنا أحوش ما أفعله رجاء يوم أحتاج فيه وأنا أعلم أن البر لا يبلى والذنب لا ينسى والديان رب العزة لا يموت فأعمل ما أحب أن يكون لي فكما أدين أدان
ثم تعرفت على صديق أمريكي وقد أشهر إسلامه منذ أعوام ففوجئت به يعلمني ذات مرة وكنت معه في الإسكندرية فقال لي خذ نية وأنت تجلس على الكرسي في الترام أنك تجلس لتحجز مكانا لرجل عجوز أو إمرأة أو مريض
فقلت له سبحان الله أأنت تأتي من بلاد الكفر لتعلم من تربي على لا إله إلا الله في بلاد الإسلام ؟
أجئتني لتعلمني أنت مكارم الأخلاق وأنا بن العرب أهل الشهامة والكرم وأهل المروءة ونصره المظلوم وإجارة الضعيف وإكرام الضيف وحفظ الحرمات ؟
ثم أدركت أن هذا رجل رباه الإسلام فأحسن تأديبه فهذا الرجل الذي لم يرى زحاما في حافلة أو ترام قط رئاه في مصر ولكن تربية الإسلام له علمته كيف يحفظ للناس حقوقهم ويوقر الكبير ويرحم الضعيف ويحفظ فضل النساء والفتيات فما أحرانا بمثله وأسأل الله تعالى أن يجمعنا بيننا في الأخرة كما جمع بيني وبينه في الدنيا
شكرا على المدونة ديه وشكرا على لغة الحوار الراقية وشكرا على تقبل النصيحة
وجزاكم الله خيرا


أخوكم
عودة الوعي
http://awdaelwa3y.wordpress.com

شكرا عودة الوعي
أرجو أن تكون هذه المدونه التي تقرأونها الآن
إحدي عوامل عودة الوعي

البوست القادم انتظروه يوم
15/6/2008

معلش بس الامتحانات بقي
و ياااااااريت اللي عنده أي قصه أو معلومه طبيه .. علميه .. نفسيه ... إجتماعيه
يرسلها علي إيميل المدونه
و شكرا لتعاونكم و تفاعلكم

أسئله جاءتني علي الإيميل الخاص و علي إيميل المدونه

يعني هو المتحرش ده هيدور علي المدونه عشان يعرف إن ده غلط؟
- هو انتي يعني لو موجوده ف الكليه مثلا يقدر حد ييجي جنبك؟
- أقل واحد فينا كان أكل الحيوان ده علقه محترمه
......
- و هي يعني المدونات هي اللي هتصلح البلد؟؟؟
- و لا عاوزه تعملي مدونه تحققي بيها شهرة و خلاص؟
- الفكرة جريئه بس جريئه أوي
- ميصحش تطلع من بنت
- مخفتيش من أي إشاعه؟
- هو انتي عندك كام سته يعني عشان تعملي مدونه تتكلم عن التحرش ؟؟
- الفكرة كويسه بس متنفعش في مجتمع متخلف زي ده ...
----------------------------------------------------------------------------
دي بعض الاراء و التعليقات و الجمل اللي جت لي في الايميلات
او عن طريق المسنجر الشخصي بعيدا عن ايميل المدونه
-------
الكلام يصدم و في نفس الوقت ممكن نقتنع بيه
و حبيت إني أوضح الهدف من إنشاء المدونه عن طريق الاجابه علي الأسئله اللي تم توجيهها لي

يعني هو المتحرش ده هيدور علي المدونه عشان يتعلم؟
ومين قال ان احنا كمدونين بنكلم المتحرش فقط؟؟؟
احنا بنكلم الكل عشان يحس بالمشكله و يتفاعل ... فكل انسان يقرأ هذه السطور يغير في محيطه بشكل أو بآخر و هكذا يمكننا علي المدي البعيد تغيير الغالبيه إلي الطريق السليم

- هو انتي يعني لو موجوده ف الكليه مثلا يقدر حد ييجي جنبك؟
أكيد لأ أو غالبا لأ
بس ممكن أوي أبقي في أي مكان تاني و أسمع كلمة تخدش حيائي أو أري نظرة غير محترمه ... الموضوع مش بس في النطاق الضيق ده النطاق ده أوسع من أننا نتكلم فيه كده

- و هي يعني المدونات هي اللي هتصلح البلد؟؟؟
أنا عاوزه أقول إن لو المدونات علي أيام الأحتلال كان زمانها بدل المنشورات
و زي ما الفكرة دي احتلت عقول بعض الرجال و الشباب
" البنت متقدرش تتكلم "
لازم نشيلها من عقولهم عشان أصحاب النفوس الضعيفه يفكروا ألف مرة قبل ما يقدموا علي الفعل المشين ده

- و لا عاوزه تعملي مدونه تحققي بيها شهرة و خلاص؟
أولا أنا فعلا نشرت المدونه بس مش عشان تشتهر لا عشان الفكرة تنتشر و لأني مؤمنه بالفكرة جدا
و أعتقد إني محطتش اللينك للبروفايل
لأني لا يهمني في هويتي في هذه القضيه إلا أني إنسانه

- الفكرة جريئه بس جريئه أوي
أولا أنا مستغربه أوي من الجمله دي
جريئه الأولي أعتقد معناها شجاعه
أما التانيه إيه؟؟؟ ... الأفكار عموما اللي زي دي يجب أن يتم طرحها بطريقه جريئه و لا أحد يخجل من جرحه
و إلا سبب له التاعب و تفاقم الأمر حيث لا يفيد أي علاج

- ميصحش تطلع من بنت
الجمله دي فزعتني ... ليه؟ هي البنت دي مش بني أدم؟ و مش من حقها تتكلم؟
و ردي عليها لا تعليق

- مخفتيش من أي إشاعه؟
أولا في رأيي الشخصي ... اللي يمشي ورا كلام الناس عمره ما يرتاح ... و كده أو كده الناس بتتكلم يبقي أعمل اللي يريحك أنت و الناس خليهم بس يقيموا أو يقولوا رأيهم في الآخر لكن ... متديش للناس و كلام الناس حق القرار بدل منك

- هو انتي عندك كام سنه يعني عشان تعملي مدونه تتكلم عن التحرش ؟؟
أنا مش بتكلم عن التحرش كعالمه أو دارسه
أنا بتكلم عنه كإنسانه يجب أن تدافع عن حقها و تنادي الآخرين بالدفاع عن حقوقهم
و أنا قلت إني إنسانه يعني السن مبيفرقش بين إنسان و التاني

- الفكرة كويسه بس متنفعش في مجتمع متخلف زي ده ...
أولا المجتمع المتخلف ده ... هو إحنا و طالما فيه ناس في مجتمع متخلف و هما مش متخلفين و ســـاكتيــــــــن
يبقي هما كمان متخلفين بس بالسلبيه اللي هما فيها
و بعدين لما مجتمعك متخلف و انت متحضر ليه متغيرش ولو سنتيمتر لقدام أكيد لو تكاتفنا في أي شيء السنتيمترات هتتحول لطرق يحف النور جانبيها

و ياريت اللي عنده رد آخر علي هذه الأسئله يقول ... أنا بس عملت التعليقات مراقبه لسبب بسيط حتي لا يتم نشر تعليق غير لائق أو غير محترم يحتوي علي ألفاظ غير محترمه
-----------------------------------------------------
و أخيرا أحب أوضح الدافع اللي خلاني قمت بعمل المدونه دي:
إيميل جالي من واحده كانت عجبتها إحدي مدوناتي الأخري
و قامت بإضافتي و قصت علي قصة تحرش حدثت لها
و طلبت أن أثير هذه القضيه في بوست من البوستات علي أي مدونه
و لكني رأيت أن موضوعا كهذا لا يكفيه تدوينه واحده و لكن يحتاج أكثر من مدونه

-------------------------------------------------------

أحب كمان أقول لكل المدونين اللي عرضوا المساعده
يا ريت كل البلد زيكم كانت اتغيرت عن كده ومكناش احتاجنا الا للمدونات الشخصيه

و شكرا